KAVITHA

Shams Balusseri

1:22pm Jan 25

പ്രതി വിപ്ലവം
------------------
എത്ര പഴകിയാലും 
അച്ഛനൊന്നും മറക്കാറില്ല .

പഴയ പിച്ചള വിളക്ക് 
രാവിലെ കറ കളയാന്‍ 
പുളിവെള്ളത്തില്‍ മുക്കി വെക്കും .
വൈകുന്നേരം 
തേച്ചു മിനുക്കി 
കണ്ണാടി തിളക്കമാക്കും. 
എള്ള ണ്ണയും വെളിച്ചെണ്ണയും 
സമം ചേര്‍ത്ത് നിറയ്കും 
നേര്‍ത്ത തുണി കൊണ്ടൊരു 
ഒറ്റ തിരി യിടും .

സന്ധ്യയായാല്‍
അമ്പലത്തിലൊരു അധികാരത്തിരി 
പാരമ്പര്യങ്ങളുടെ 
പൂജാമുറിലൊരു നിറ വിളക്ക് ,
അസ്ഥിമാടത്തിലൊരു 
ഓര്‍മകളുടെ തിരി,
വാടിയ തുളസി തറയിലൊരു 
മെലിഞ്ഞ ഒറ്റ തിരി.

നേരം ഇരുട്ടിയാല്‍ 
തേച്ചു മിനുക്കിയ പിച്ചള വിളക്ക് 
ഉമ്മറപ്പടിയില്‍
കുഴലൂരി കത്തിച്ചു വെക്കും .
വിളക്ക് കെടാതിരിക്കാന്‍ 
പാതിരാവോളം 
ചാരു കസാരയില്‍ കാവലിരിക്കും .
അവസാനത്തെ 
കമ്യുണിസ്റ്റ് പാറ്റയും കരിഞ്ഞു മരിക്കണം . 
----------------------------------------------ഷംസ്

--
regards
cp