| Jagratha Janasakthi | 10:54am Feb 21 |
ന്യൂഡല്‍ഹി: സ്വകാര്യ ടെലികോം കമ്പനികള്‍ക്ക് സൌജന്യമായി റോമിങ് സേവനം ലഭ്യമാക്കിയ ബിഎസ്എന്‍എല്ലിന്റെ തീരുമാനത്തെക്കുറിച്ച് അന്വേഷിക്കണമെന്ന് ബിഎസ്എന്‍എല്‍ ജീവനക്കാരുടെ എക്സിക്യൂട്ടീവ്സ് അസോസിയേഷന്‍ കേന്ദ്രസര്‍ക്കാരിനോട് ആവശ്യപ്പെട്ടു. സ്പെക്ട്രം കുംഭകോണത്തില്‍ ഉള്‍പ്പെട്ട സ്വാന്‍ ടെലികോം, യൂണിടെക് എന്നീ കമ്പനികള്‍ക്കാണ് 2008ല്‍ അന്നത്തെ ബിഎസ്എന്‍എല്‍ മേധാവികള്‍ പൊതുമേഖലാ സ്ഥാപനത്തിന്റെ ജിഎസ്എം പശ്ചാത്തലസൌകര്യം സൌജന്യമായി ലഭ്യമാക്കിയത്. ഇതില്‍ വന്‍ അഴിമതിയുണ്ടെന്നാണ് ജീവനക്കാരുടെ സംഘടന ആരോപിക്കുന്നത്. ബിഎസ്എന്‍എല്ലിന്റെ നിലനില്‍പ്പിനെത്തന്നെ തകര്‍ക്കുന്നവിധം അനില്‍ അംബാനിയുടെ റിലയന്‍സ് കമ്യൂണിക്കേഷനും ജിഎസ്എം സേവനം ലഭ്യമാക്കി. അന്വേഷണം ആവശ്യപ്പെട്ട് അസോസിയേഷന്‍ പ്രധാനമന്ത്രിക്കും ടെലികോംമന്ത്രി കപില്‍ സിബലിനും സിബിഐക്കും കത്തയച്ചിട്ടുണ്ട്.
--
regards
cp
No comments:
Post a Comment